Гильгамеш киноға сұранып-ақ тұр – Дулат Исабеков

Алматы, BAQ.KZ тілшісі. Жас режиссер Нұргелді Садығұлов Гильгамешті кино етіп түсіруді қолға алам десе, мен бірден сценариін жазуға отырар едім. Бұл жайында жазушы Дулат Исабеков «Балуан Шолақ» фильмінің таныстырылымы кезінде айтты.





«Неге біз Гильгамешке баруымыз керек? өйткені ол түркі әлемімен байланысты. Бүкіл Батыс елдері жазба әдебиет христиан дінінен кейін келді деп миымызға сіңірген. Эфрат пен Тигрдың арасында табылған Гильгамеш эпосы түркі әлемімен байланысты екенін танытты. Содан Батыс елдері үнсіз қалды, өйткені тұңғыш әдебиет Шығыста пайда болған», — дейді жазушы.



Сондай-ақ ол, Гилгамеш біздің заманымызға дейінгі 26 ғасырда жазылғанын, ол тарихи болған адам екенін айтып өтті.


«Жырды оқып қарасаңыздар ондағы сөздердің көбісі түркі халықтарынікі екеінін байқайсыздар. Мәселен, тамыз-тамыз, ана-ене, су-су, тіптен осы күнгі біздің адамдардың аттарының барлығы сонда жүр. Демек ол түркі әлемімен тығыз байланысты. Түс көру, анасының түсті жоруы, ат шабысы, аң аулау бұлардың барлығы қазаққа ғана тән нәрселер. Егер режиссер Нұргелді Садығұлов осыны кино етіп түсіруді қолға алам десе, мен бірден сценарийді жазуға отырамын», -дейді Дулат Исабеков.



Жиын барысында Сәбит Әбдіхалықов ҚР Мәдениет және спорт министрлігі тарапынан соңғы кезде тарихи кинолар көптеп түсіріліп жатқанын айтып өтті.


«Алдағы уақытта Томирис фильмі жарыққа шығады, сондай-ақ «Қасым хан» туралы киноға кірісіп жатыр, оған «Ертұғырылды» түсірген түрік режиссері шақырылуда. Жоспарда «Аттила» тұр, Орта азиядан шыққан жалғыз генерал Сабыр Рахымов туралы да кино түсіру қолға алынуда», — дейді ол.рының әртісі.



Источник: “https://baq.kz/kk/news/kino/gilgamesh_kinoga_suranipak_tur__dulat_isabekov20181214_174600”

Новости
Теги